Төрийн албаны ерөнхий шалгалт нь улс орон даяар 2021 оны 03 дугаар сарын 12, 13, 14-ний өдрүүдэд зохион байгуулагдлаа. Тус хэлтэс нь Төрийн албаны шалгалт зохион байгуулах комисст орж ажилласан бөгөөд шалгалтыг Засаг даргын Тамгын газрын 3 дугаар байр /Улсын бүртгэлийн хэлтсийн байр/ “Сургалтын танхим”-д амжилттай зохион байгууллаа. Энэ удаагийн шалгалтанд улсын бүртгэлийн байгууллагаас шалгалтанд бүртгүүлсэн иргэдийн ирц бүртгэлийг мэдээллийн сан бүхий компьютер ашиглан хурууны хээгээр нэвтрүүлж ажиллалаа.
Шалгалт өгөхөөр бүртгүүлсэн нийт 316 иргэнээс 271 иргэн буюу 85,7 хувь нь оролцож, 116 иргэн буюу 42,8 хувь нь шалгалтад тэнцлээ. Шалгалтын үйл ажиллагаанд ямар нэгэн асуудал гараагүй бөгөөд хэвийн явж өндөрлөлөө.
Ерөнхий шалгалтыг иргэдэд ил тод нээлттэй байлгах үүднээс Төрийн албаны зөвлөлөөс zoom програмаар улс орон даяар LIVE хэлбэрээр онлайнаар цацаж, шалгуулагч иргэд болон сонирхсон этгээдэд шалгалтын үйл явцыг гаднах дэлгэцээр хөндлөнгөөс ажиглах боломжтойгоор зохион байгууллаа.
