УИХ-ын гишүүн, Засгийн газрын гишүүн, Хууль зүй, дотоод хэргийн сайд Х.Нямбаатар, Хууль зүй, дотоод хэргийн яамны Бодлогын хэрэгжилтийг зохицуулах газрын дарга Э.Энхтуяа, Улсын бүртгэлийн ерөнхий газрын дарга Д.Дэлгэрсайхан болон бусад албаны хүмүүс 2021 оны 05 дугаар сарын 20, 21-ний өдрүүдэд Говь-Алтай аймгийн Хууль зүйн яамны харьяа байгууллагуудын удирдлага, албан хаагчидтай уулзаж үүрэг чиглэл өгч тулгамдсан асуудлыг газар дээр нь шийдвэрлэж ажиллав.
Ажиллах үеэр:
- Ажлын хэсэг 2021.05.20-нд аймгийн Засаг даргатай уулзах уулзалтын үеэр Говь-Алтай аймаг дахь Улсын бүртгэлийн хэлтсийн байрны асуудлыг шийдвэрлүүлэх талаар Улсын бүртгэлийн ерөнхий газрын дарга Д.Дэлгэрсайхан аймгийн засаг дарга О.Амгаланбаатарт хүсэлт тавин УИХ-ын гишүүн, Засгийн газрын гишүүн, Хууль зүй, дотоод хэргийн сайд Х.Нямбаатарт танилцуулж одоо үйл ажиллагаа явуулж байгаа байрыг тус хэлтсийн мэдэлд шилжүүлэхээр тохиролцож шийдвэрлүүлэв.
- Улсын бүртгэлийн ерөнхий газрын дарга Д.Дэлгэрсайхан, УБЕГ-ын Хамтын ажиллагаа, сургалтын хэлтсийн ахлах мэргэжилтэн Л.Өнөртуяа, УБЕГ-ын Тамгын газрын мэргэжилтэн Б.Хөлгөн нар 2021.05.21-ний өдрийн 09.00 цагт тус хэлтсийн албан хаагчидтай уулзав. Уулзалтаар орон нутаг дахь бүртгэлийн үйл ажиллагаанд тулгамдаж байгаа асуудал, цаашид хэрэгжүүлэх ажил, бүртгэлийн цахим үйлчилгээг нэвтрүүлж байгаа үйл явцын талаар танилцуулж чиглэл өгөв.
- Мөн өдрийн 11.30 цагт УИХ-ын гишүүн, Засгийн газрын гишүүн, Хууль зүй, дотоод хэргийн сайд Х.Нямбаатар, Хууль зүй, дотоод хэргийн яамны Бодлогын хэрэгжилтийг зохицуулах газрын дарга Э.Энхтуяа, Улсын бүртгэлийн ерөнхий газрын дарга Д.Дэлгэрсайхан нар тус хэлтсийн албан хаагчидтай уулзалт хийв. Уулзалтын үеэр тус хэлтсийн албан хэрэгцээнд суудлын авто машин олгох, хэлтсийн байрны засвар, тохижилтын зардал олгох, сумдын улсын бүртгэгч нарын компьютер, тоног төхөөрөмжийг шинэчлэх, ковид цар тахлаас урьдчилан сэргийлэх хэрэгсэл олгох зэрэг томоохон асуудлыг шийдвэрлэж өгөв.
Мөн тус уулзалтын үеэр хэлтсийн дарга Г.Чүлтэмжамц “Улсын бүртгэлийн тэргүүний ажилтан”, Улсын ахлах бүртгэгч Я.Арвижих Хууль зүй, дотоод хэргийн яамны тэргүүний ажилтан”, Улсын ахлах бүртгэгч Б.Энхзаяа, Улсын бүртгэгч П.Алтанцэцэг нар “Хууль зүй, дотоод хэргийн яамны хүндэт жуух”-аар тус тус шагнагдсаны дээр Хяналтын Улсын байцаагч Д.Оюунчимэгт өргөө цагаан гэр олгох батламж гардуулав.
- Уулзалтын дараа 13.30 цагт УИХ-ын гишүүн, Засгийн газрын гишүүн, Хууль зүй, дотоод хэргийн сайд Х.Нямбаатар, Хууль зүй, дотоод хэргийн яамны Бодлогын хэрэгжилтийг зохицуулах газрын дарга Э.Энхтуяа, Улсын бүртгэлийн ерөнхий газрын дарга Д.Дэлгэрсайхан нар тус хэлтсийн байртай танилцав.
