ЗУУНЫ МАНЛАЙ БҮТЭЭН БАЙГУУЛАЛТ "АЛТАЙЧУУД УНДНЫ УСНЫ БАТАЛГААТ ЭХ ҮҮСВЭРТЭЙ БОЛЛОО"

A- A A+
ЗУУНЫ МАНЛАЙ БҮТЭЭН БАЙГУУЛАЛТ

Монголын баруун хязгаар Говь-Алтай аймгийн Алтай хотын иргэдийг цэвэр усаар хангах ус дамжуулах хоолой барих ажил амжилттай хэрэгжиж нээлтээ хийлээ.

Нээлтийн үйл ажиллагаанд Монгол Улсын Их Хурлын дарга Г.Занданшатар, УИХ-ын гишүүн С.Раднаасэд, Эрчим хүчний сайд Н.Тавинбэх, Барилга хот байгуулалтын сайд Б.Мөнхбаатар, Эрүүл мэндийн сайд С.Энхболд орон нутгийн удирдлагууд холбогдох албаны төлөөлөл оролцлоо.

Говь-Алтай аймаг байгуулагдсан цагаас нэн тулгамдаж байгаа асуудал бол ундны цэвэр усны хангамж. “Тайшир-Алтай” усан хангамжийн төсөл хэрэгжиж Завхан голоос эхтэй Гэгээн нуураас Алтай хот руу цэвэр ус татах ажил 2019 оны тавдугаар сард эхэлж байсан билээ. Уг төслийг орон нутгаас сонгогдсон УИХ-ын гишүүн Ш.РАДНААСЭД санаачлан Засгийн газрын хуралдаанаар оруулж хэлэлцүүлэн дэмжлэг авч анхаарлаа хандуулан, холбогдох арга хэмжээг авснаар Австри Улсын Засгийн газрын санхүүжилтээр “Тайшир-Алтай ус хангамж” төсөл амжилттай ийнхүү амжилттай хэрэгжлээ.

Алтай хотын иргэдийн эрүүл мэндийг яаралтай хамгаалах, эрүүл ахуйн стандартад нийцсэн хэрэглээний усыг шийдвэрлэх зайлшгүй шаардлагыг олж харан боломжит бүх хувилбарыг эрэлхийлж шийдэлд хүрч ЗУУНЫ МАНЛАЙ БҮТЭЭН БАЙГУУЛАЛТ босгоход бодит хувь нэмрээ оруулсан Улсын Их Хурлын гишүүн Шатарбалын РАДНААСЭД гишүүнд Өндөр Алтай нутгийн өргөн түмэн талархал дүүрэн байгаагаа илэрхийлж байсан юм.

Хүний ухамсарт үйлдлийн улмаас бий болсон цэнгэг "Гэгээн Нуур" Говь-Алтайчуудыг ундны усаар хангах эх үүсвэр нь болсонд нутгийн иргэд талархалтай байлаа

УС ҮНЭЛЭГДЭХ ЁСТОЙ ЧАНДМАНЬ ЭРДЭНЭ