Намрын дунд сарын шинийн 17 буюу 2022 оны 10 дугаар сарын 11-ний Балжинням, Дашням давхацсан билэгт сайн өдөр Алтай сайхан нутагтаа өрх өсгөж, сум сунган гал голомтоо бадрааж байгаа Б.Баярсайхан, Б.Үнэнбилэг болон “Гэрлэлтийн гэрчилгээ”-гээ ёслол төгөлдөр гардаж буй Б.Пүрэвдаш, Г.Билгүүн нартаа хүндэтгэл үзүүлэн “Гэр бүлийн андгай”-г гардуулж, хүндэтгэл үзүүллээ.
Залуучуудын хөгжлийн сарын аян, “Аз жаргалтай гэр бүл” нөлөөллийн ажлын хүрээнд АДБ-ийн “Алтай” чуулга, Гэр бүл, хүүхэд залуучуудын хөгжлийн газартай хамтран зохион байгуулсан тус ажил нь гэр бүлийн үнэ цэнийг нэмэгдүүлэх, тогтвортой байдлыг дэмжих, залуу хосуудад амьдралын мартагдашгүй нандин дурсамжийг бий болгох зорилготой юм.
Залуу хосуудынхаа гэр бүлд аз жаргал, сайн сайхан бүхнийг хүсэн ерөөе.
