Монголын Хуульчдын холбооноос жил бүр уламжлал болгон зохион байгуулдаг иргэдийн эрх, хууль ёсны ашиг сонирхлыг хамгаалах зорилготой хууль зүйн үнэгүй зөвлөгөө өгөх “Хуульчийн Про Боно өдөр-2023” өдөрлөгийг 05 дугаар сарын 1-ний өдөр Аймгийн БТСГазрын А зааланд 10:00-17:00 цагийн хооронд зохион байгууллаа. “Бүх нийтийн эрх зүйн боловсролыг дээшлүүлэх үндэсний хөтөлбөр”-ийн хүрээнд зохион байгуулж буй энэхүү өдөрлөгт Аймгийн шүүх, Прокурорын газар, Цагдаагийн газар, Улсын бүртгэлийн хэлтэс, ШШГГ, ШША болон бусад төрийн байгууллагууд оролцлоо. Энэ үйл ажиллагааны үеэр Аймгийн Улсын бүртгэлийн хэлтэс улсын бүртгэлийн талаар 41 иргэнд зөвлөгөө, мэдээлэл өгч 10 иргэнд улсын бүртгэлийн үйлчилгээ үзүүллээ. Мөн Алтайн мэдээ агентлагтай хамтран live-р цахим гадаад паспорт болон тоон гарын үсгийн ач холбогдлын талаар иргэдэд мэдээлэл хүргүүлсэн. Нийт 23 иргэнд тоон гарын үсэг олголоо.
