Улсын бүртгэлийн байгууллагын албан хаагчдын биеийн тамир, спортыг сурталчлах, газар, хэлтэс, нэгжүүдийн хамтын ажиллагааг сайжруулах, идэвхтэй амьдралын хэвшлийг түгээх, хөдөлгөөний дутагдлаас сэргийлэх, чөлөөт цагийг зөв боловсон өнгөрүүлэх зорилго бүхий энэхүү спортын арга хэмжээг жил бүр уламжлал болгон зохион байгуулдаг билээ.
Улсын бүртгэлийн байгууллага үүсэж хөгжсөний түүхт 83 жилийн ойг угтан бүртгэлийн байгууллагын аймаг, нийслэлийн болон ерөнхий газрын нийт ажилтан, албан хаагчдын дунд зохион байгуулагдсан энэхүү спортын 4 төрөлт тэмцээнийг амжилттай зохион байгууллаа.
Тэмцээнд 8 багийн 120 гаруй тамирчид сагсан бөмбөг, волейбол, шатар, ширээний теннис гэсэн спортын дөрвөн төрлөөр өөрсдийн оюун ухаан, хурд хүч, авхаалж самбаагаа сорин өрсөлдөж, шилдгүүдээ шалгарууллаа. Уг тэмцээнээр тус хэлтсийн /баруун бүс/ тамирчид гар бөмбөг, сагсан бөмбөгийн төрлөөр хос алтан медаль хүртлээ. Мөн сагсан бөмбөгийн төрөлд эмэгтэй шилдэг тоглогч, гар бөмбөгийн төрлөөр шилдэг эмэгтэй тоглогч, эрэгтэй шилдэг холбогч, теннис дээр 1 хүрэл медаль тус тус хүртэж амжилттай оролцлоо.
